Пред есента, акција за превенција од поплави
Со нова механизација Водостопанство на Македонија преку прилепската подружница ги чистат речните корита и каналите за заштитата од поплави. Периодот на низокт водостој на реките е погоден подготвено да се пречека сезоната на врнежи и опасноста излевање на водите од коритата.
Се чисти вегетацијата околу Црна Река и каналот Блато долги 13 километри, а кои можат да бидат критичните делови за излевање при поројни врнежи.
– Чистењето се одвива во две фази, првата е на ситната и крупната вегетација, а втората е уредување на речното корито – вели Ромео Тренов од АД Водостопанство.
Каналите генерално се во добра кондиција. Лани се уредени околу десет километри во прилепско. Сепак останува впечатокот дека стојат ризиците, бидејки каналите и коритата не се исчистени повеќе години.
Со програмата на ЕУ за санација од поплави се предвидени околу 7 милиони евра. Водостопанство распиша тендер за набавка на механизација за 3,5 милиони евра.
