Дејан Петровиќ
Дејан Петровиќ е син наследник на најпознатиот српски трубач, Миќо Петровиќ. Со брат му Дарко се четврта генерација трубачи. Дејан е најмладиот добитник на “Мајсторско писмо”, повеќекратен добитник на сите награди на Саборот во Гучи, меѓу кои е и наградата Прва труба на светот. Познат е по изведувањето српска традиционална музика, комбинирана со тотално спротивни, модерни елементи. Тоа е фузија на звукот на традиционалните инструменти на трубачки оркестар и други инструменти кои претставуваат спој на звукот на труба и дисторзија на електрична гитара. Зад себе има 4 дискографски изданија. Покрај авторска музика, на репертоарот има мноштво странски обработки и интернационални нумери чија интерпретација е многу автентична, благодарение на концепцијата на бендот. Учествувал на сите големи, домашни, музички фестивални и безброј пати ја претставувал Србија на разни светски музички саеми, спортски и културни настани, фестивали. “Амбасадорот на српската труба”, со заразниот звук на трубата ќе ја крене на нозе публиката, запалувајќи го амбиентот со најголемите модерни хитови обработени во звукот на трубата.
