Дел од изложбата „Древниот сон“ со 20 дела од уметникот Тони Чатлески ја проследуваат штипјани, во рамките на културното лето. Писателот Христо Петрески вели дека сликите се создадени во манирот и духот на геометризмот и кубизмот.
– Колористичките апстракции се одликуваат со силна и компактна композиција. Потребен е добар вид, па и лупа, за да се регистрираат сите детали, геометриски форми, кубизам, па и пикасовски елементи. Делата потсетуваат на пештерските цртежи и камената уметност, според својот графички израз. Тоа е оригиналноста и препознатливоста – вели Петрески.
