Фото кино клубот Прилеп реди успеси. Членовите, ученичката во средното медицинско училиште Анастасија Бошкоска и гимназијалецот Горан Попоски, на 45-тиот државен фестивал на непрофесионален филм во Штип, освоија две награди и тоа награда за најдобра монтажа, и награда за документарниот филм Ковач, снимен во старата прилепска чаршија.
Признанијата доаѓаат по ланскиот успех на Меѓународниот фестивал на документарен филм Камера 300 во Битола, каде освоија златна плакета за најдобра камера.
