Историја
Во ноември 1978 година, во салата „Македонија“ се одржаа четвртфиналните борби од боксерскиот турнир „Златен гонг“ пред 3.000 гледачи. Спортските љубители, кои дотогаш најчесто гледаа фудбал и ракомет, видоа одблиску квалитетни борби од благородната вештина. Покрај југословенскиот “крем” со Сеитовиќ, Шаќировиќ, Петковски, Стефановски и Кнежевиќ, учествуваа боксери од СССР, Полска, Романија, Бугарија и најголемите асови од Куба. Најпривлечниот беше мечот меѓу Кубанецот Деспаине и домашниот, југословенски боксер Мутиќ од Топличанин. Мутиќ го доби дуелот со нокаут и ги освои гласовите на комисијата која го прогласи за боксер на вечерта.