Средба на Здружението на педијатрите на Македонија
„Новини во детската неврологија“ беше темата на предавањето за македонските педијатри кои се собраа во Прилеп да ги откријат и применат најновите достигнувања за третманот на децата. Богатата дискусија и огромното присуство беа потврда дека темата имала полн погодок.
Во организација на Здружението на педијатри на Македонија, предаваа претседателот на здружението, д-р Аспазија Софијанова, д-р Филип Дума и д-р Катарина Ставриќ од Скопје и д-р Габриела Тавчиоска од општата болница “Борка Талески” од Прилеп.
Изборот на управниот одбор на Здружението по повеќе години се одржа во Прилеп. Тоа е верификација дека во болницата работат специјалисти кои користат дијагностички и тераписки можности за малите пациенти со проблеми на педијатриската неврологија. Педијатрите од Македонија имаат четири стручни средби годишно.