Во пресрет на најголемиот христијански празник – Воскресението Христово, вторник од 19.30 часот во салата од киното Мис Стон градскиот хор “Света Петка” ќе одржи предвелигденски рецитал. На програмата се дела од православни композитори од Македонија и ширум православниот свет, тематски поврзани со смислата на Воскресението. Ќе се чујат композиции од Корсаков, Архангелски, Валјаев, Бадев, Кирил Македонски, Гоце Секулоски.
И осмиот настап е под диригентската палка на м-р Гоце Секулоски.
Покрај духовната програма, се очекува хорот да подготви репертоар од атрактивни музички жанрови, како класика, делата на македонските композитори, аранжмани на познати поп песни од англиското говорно подрачје, и да организира концерти.
