Вечерва од 19 ч. во ЦК „Марко Цепенков“ ќе стартува уште едно спектакуларно музичко издание од пазувите на Гимназијата. На шестата манифестација Гимфест, музички мегдан ќе бијат 20 талентирани гимназијалци-солисти со извонредни музички точки кои никого нема да остават рамнодушен. Шлаг на музичката торта ќе биде гостувањето на етно групата Љубојна.
Организацијата е плод на професорите и учениците кои со макотрпни подготовки, максимален труд, љубов и соработка, овозможуваат Гимфестот да расте и да се надградува од музички и од технички аспект.
Средствата од билетите ќе се донираат за хуманитарни цели.
