Дел од танцовото студио Зодијак со маската „Последното Исусово искушение“ го претставуваше градов на четвртиот меѓународен карневал во Раковица, Србија. Маската што ја доби наградата Гран При на карневалот Прочка 2016 ги восхити со креацијата, играта и костимите не само домаќините, туку и илјадниците гости, промовирајќи го Прилеп како атрактивна туристичка дестинација.
На карневалската поворка учествуваа околу 40 групи од Србија, Грција, Македонија, Црна Гора, Хрватска, Италија, Словенија, Русија и Малезија и стотина претставници на Асоцијацијата на карневалските градови на Европа.
