Во атмосфера на восхит, над 400 жени останаа без здив од креациите на шесте учеснички на мафестацијата Вешта жена. И гостите од Македонски Брод, Битола, и домаќините се воодушевуваа на имагинацијата и на уметничките способности за аранжирање, сервирање, спремање маса за четворица, главно јадење и десерт.
– Да се натпреварува жената ја поттикнува љубовта кон готвењето, кон десертите… Пред 12 години кога се натпреварував, особено предизвик ми беше да ја наместам убаво масата – кажува организаторката Милка Бошкоска.
Градоначалникот Марјан Ристески укажа дека општината ја поддржува манифестацијата како поттик на традицијата за она што значи жената во семејството.
