– Светот е слеп, затоа што таков сака да биде.
– Кога ќе ја осетиш радоста во срцето, тогаш и солзите во очите ќе ја потврдат радоста.
– Кога не брзам – стигнувам.
– Ум имам – но малку го користам.
– Парите се интересна играчка, но без сопственик.
– Патот е тежок, оти друг господари со нас.
– Колку години имаш? Колку што сакам, или како што ќе ми кажат.
– (Не) мисли со главата од сите луѓе.
– Се издава ум под кирија, цена поволна.
– Одиш на работа? Не. Одмор сам си зедов.
– Во светот се живее според правила, а мислење нема.
– Кога мирот е нашиот водич, проблемите нема да ги посакуваме.
– Мислев нешто, но не променив ништо.
– Броевите се заблуда, а количината не.
– Вистината е во очите.
– Да се лечиме од тоа што го гледаме и слушаме.
– Љубовта може да го растопи срцето од мраз.
– Неуспехот е блиску, а со храброста доаѓаме до успехот.
– Не зборувај многу, а мисли малку.
– Да или не – се различни страни како светлината и темнината.
– Светот е како човек без срце, но со големо богатство.
– Се договориме да не си веруваме.
Зоран Николоски
