Илија Несторовски
Некогашниот напаѓач на Победа, Илија Несторовски (25) има изгледи кариерата да ја продолжи во некоја од развиените фудбалски држави на Запад. Интересот за негов ангажман е голем и тоа не зачудува бидејќи е најдобар стрелец во Првата лига на Хрватска. Есенва за Интер Запрешиќ постигна 11 гола и најмногу придонесе за солидното шесто место на табелата. Претходно имаше изгледи да потпише за Риека, но пречка било високото обештетување. Интер побарал милион евра за откуп, а таа сума може да ја плати само богат европски клуб.
Несторовски седум години е надвор од Македонија.
