Меѓу повеќе од 150 компании, Витаминка беше единствената македонска компанија на еден од најголемите европски саеми за храна, Индагра фуд во Романија. Компанијата ја претстави целата палета производи и го привлече интересот на производители, трговци и сопственици на малопродажни синџири и граѓани. Саемското издание го разгледале 10 илјади посетители.
Секое саемско искуство носи нови сознанија и придобивки.
– Често сме присутни на саемските манифестации и ги следиме сите, затоа што оваа стратегија е продуктивна. Придобивките почнуваат со изложувањето на производите и првиот контакт со локалните потрошувачи или пак со дистрибутерите и трговците. Саемите носат нови сознанија и заклучоци соодветно на географската и етнографската поставеност. Тоа дава вредни информации за подобро развивање и позиционирање на извесен производ на кој било странски пазар. Денес саемите стануваат интердисциплинарни едукативни и информативни настани, од каде може многу да се научи, а ние тоа максимално го користиме – изјавија од Витаминка.
Меѓународниот трговски саем Индагра фуд ги поврзува производителите и трговците од локалниот и соседните пазари за прехранбена индустрија за промовирање на компании и позиционирање на нивните производи.
