Единствените двајца прилепски учесници на Оф роуд трката кај Струмица, Панчо Чупаркоски и Лало Милошески, се вратија од градот под Царевите Кули со две одличја. Двајцата ем се наполнија со адреналин, ем ги надминаа околу 50-те ривали во трките на теренски возила. Највешт и прв беше Чупаркоски во категоријата до 2500 см3. Со Нисан Патрол, тој постигна најдобро време и покажа умешно возење на патеката низ прашина, кал и камења. Секунди го делеа од првото место Лало Милошески во категоријата до 3000 см3. Со својот џип Нисан Терано успеа да го заземе второто место.
Неодамна десетина меркалии на четирите теренски гуми на тркалата од Прилеп трагаа по авантури низ грмушките и шумите, доловите и карпите кај нивните “сродни души” во кичевско.