На Осми август 2001 -та
бранителите на Македонија од Прилеп
кај Карпалак не се сретнаа
лице в лице со ѓаволот.
Не им се даде шанса
да истрелаат истрели во ѓаволот.
Не видоа каков беше
и со каков намуз беше тој
што од заседа на двете страни
истури дожд од огнени истрели
та ги запали да горат како факели.
Десет бранители – десет факели
во огнот смртен гламјосаа, пеплосаа.
Гламјосани и се предадоа на историјата
О, Бранители, о вечна слава на Песјобрдце
О, жртви на завера и предавство
Плаче Македонија за Вас.
Плачот е болно сеќавање
панихидата – помен.
Монументалниот споменик во Прилеп
светилник на 10-те бранители на Македонија.
Блага Тутеска