На музичката сцена со ретро изведба на песната Feeling good од Нина Симон, се докажа бендот Patience. Според вокалните квалитети на Ангела Ѓуричанин, чиј глас звучи неодоливо во придружба на инструменталците Бојан Андревски на тапани, Игор Кимоски на клавијатура, Горан Дукоски на бас гитара и Христијан Ристески на гитара, беспрекорен е миксот на џез, соул и блуз. Зад спонтаното музицирање стои академска поткованост и талент.
Песната Feeling good e слична со темите на филмовите со Џемс Бонд, како Skyfall од Адел и Golden eye од Тина Тарнер, “тјун” што не исчезнува долго време. Стартот е тивок без инструменти, за подоцна експлозивно да преминува во совршен спој на басот, тапаните, гитарата и гласните жици.
