Ракомет
Привршува одморот за ракометарките на прволигашот Таста 107. Првиот собир е закажан за понеделник, во салата “…Ричко”. Стручниот штаб Петар Кузманоски, Бети Филипоска и Даниела Воиновиќ, најавуваат подготовки во три фази, кондицијата, индивидуалната работа на техники и тест мечеви и воигрување. Екипата е меѓу најмладите, со првотимки од 15 до 18 години. Успех е учеството во лигата, можноста за искуство и прогрес.
Уште нема датум за продолжението на првенството, каде Таста 107 е со амбиции за средината на табелата, а тргнува од есенското седмо место.
