Руска екипа ги сними последните кадри од серијата “Кум” во селото Штавица. Серијата од осум продолженија ќе се емитува на Руската национална телевизија. Режисерот снимаше крај манастирот Трескавец и кај селото Лагово, а ја користел за сценографија и битолската околина.
Во серијата играат македонски актери.
Сценариото е инспирирано од српско – косовскиот воен конфликт во 2000 година, а подлогата е вистинска приказна за рускиот гинеколог Алексеј Илин. Тој во Приштина ја потврдувал хуманоста кон сите, без разлика на етничката и верската припадност.
– Серијата е претстава за лекарот од Санкт Петербург, кај кого нема никакви закони. Им помагал на луѓето, живеејќи по свои правила – изјави режисерот Тимор Алпатов.
