Библиотека
За месецот на книгата, традиционално викендов во Библиотеката има избор на најдобар рецитатор, на кој ќе земат учество рецитатори од основните и средните училишта и избор за најдобра лична творба. Рецитаторите ќе се натпреваруваат утре, а в недела е доделувањето на наградите за избраните лични творби.
Директорот Петар Петрески е задоволен од интересот на учениците.
– Триесетина рецитатори ќе го презентираат поетското творештво на бројни автори, а за избор на лични творби комисијата има доста тешка задача меѓу стотина конкуренти – вели Петрески.
За добитниците се обезбедени пригодни награди и признанија.