Се збогатува градскиот музичкиот живот со второто издание на манифестацијата џез фестивал. Синоќа на летната сцена на ЦК “Марко Цепенков” свиреа групите Кабадајас и Тао Трио, а до недела ќе може да се ужива во звуците на Гоце Стефковски Септет и Фиш ин Оил од Србија, на групата Сетстет и Ејот. Оф програмата ќе се случува во џез клубот “Тејк Фајв” со настап на ДЈ Ален Хаџи Стефанов.
– Фестивалот го презентира музичкото творештво во светот на џезот. Идејата е поинаков урбан Прилеп и заложби за следење на светските културни трендови. Се обидуваме да воспоставиме традиција на фестивалскиот културен туризам – вели Снежана Ристеска, советник за култура при ЛС.
Џез викендот е во организација на локалната самоуправа како дел од циклусот “Сезонски фестивал”.
