МТФ ,,ВОЈДАН ЧЕРНОДРИНСКИ,,
“Змејовата невеста” во режија на Нела Витошевиќ, на нашиот театар е најдобрата претстава во целина на 48. издание на МТФ “Војдан Чернодрински”. Витошевиќ ја доби и наградата за најдобра режија.
– Претставата одлично функционира, а екипата успеала на гледачите да им пренесе високо естетско задоволство – рече писателот Васе Манчев.
– Наградата е потврда за трудот, ентузијазмот на ансамблот. Круна е на залагањата минатите години. Ние сме репрезент на македонскиот театар. Заслужуваме да ја претставуваме Македонија во странство – вели директорот Тони Чатлески.
Писателот Братислав Димитров е добитник на наградата за текстот “Ноќите во бел сатен”, додека Амернис Нокшиќи Јовановска ја освои наградата за најдобра женска улога за ролјата на Зоја во претставата “Прст” на Албанскиот театар. На Јордан Витанов, за улогата на Благој, во претставата “Ноќите во бел сатен”, му беше врачена наградата за главна машка улога.
Најдобра млада актерка е Камка Тоциновски во “Изгубени Германци”, а млад актер е Валентин Костадиновски за играта во “Женидба”.
