Мал Холивуд, како што го викаат селото Штавица, конечно ќе добие асфалт. Општината ќе го асфалтира патот во должина од еден километар за поврзување со регионалниот пат Прилеп – Мариово. Асфалтирањето беше неопходно. Селото е атрактивно и автентично. Многу режисери пројавуваат интерес да снимаат филмови. Инвестираме 100 илјади евра – велат од општината. Изградбата на патот во селото со стотина жители е во рамките на реконструкцијата на регионалните и локалните патишта со пари од Европската банка за обнова и развој. Селото го доби името Мал Холивуд, откако режисерот Милчо Манчевски, во автентичниот предел ги снимаше филмовите “Пред дождот” и “Прашина”, а се снимаа и други филмови. Со програмата за реконструкција на регионални патишта општината ќе ги асфалтира патот од селото Селце до манастирот Св. Димитрија, до селото Дуње, од Клепач до Ерековци и од Беровци до Галичани. Вкупно ќе се одделат милион евра.
