Ансамблот на театарот ја подготвува новата детска претстава “Јунаците од бајките” во режија на Петар Димоски. Премиерата се очекува пред новогодишните празници. Најмладите ќе уживаат, оти многу ќе се пее и ќе се игра. Таа е еден вид детски мјузикл – вели Димоски. Улогите ќе ги толкуваат Игор Трпчески, Марија С.Илијеска, Наташа Наумоска, Јасмина М. Станкоска, Даниела Иваноска, Александар Тодески, Зоран Иваноски, Димитар Црцороски, Димитар Ѓорѓиевски, Милан Секулоски и десетина деца од младинската сцена. Кореограф е Кире Миладиноски, сценографијата е на Владимир Ѓорѓијески. За костимите е задолжена Бојана А.Трпческа, а за музиката Душко Темелкоски. Претставата се играла пред 17 години. Сега има ново видување на текстот со нови ликови – истакнува Димоски. Ова е четврта премиера годинава.