Од 27 до 29 октомври во Сцена 105
Фестивал со пет нови германски филма ќе се одржи од 27 до 29 октомври во ЦК “Марко Цепенков”. В четврток од 18 часот е трагикомедијата “Винсент сака море” во режија на Ралф Хитнер. Филмот е добитник на германската филмска награда за 2011 година. Идниот петок филмаџиите ќе ги проследат “Алманија – добредојдовте во Германија” во режија на Јасемин Самдерели и атрактивната драма – биографија, “Гете”, во режија на Филип Штелцл, а в сабота се детскиот цртан филм “Авантурите на Песочко во Соновија”, во режија на Јеспер Молер и Синем Сакаоглу и научно фантастичната драма “Деновите што идат” во режија на Ларс Крауме. Центарот за култура го реализира фестивалот во соработка со Германската амбасада.
