МДС
Младинското драмско студио – театар ,, Чин 4 сцена 5,, при НУЦК “Марко Цепенков” синоќа ја прикажа претставата “Кумови” од Коле Ангеловски, во режија на Саша Нацевски. Претставата е 35 премиера, има рустикално љубовна фарса со сериозен крај. Работена е според неколку македонски народни приказни, легенди и преданија, во која се испреплетуваат животните приказни на неколкуте архетипски ликови, препознаени од македонските битови драми. На искрен и комичен начин го преставивме исконското од македонскиот народ – тагата, љубовта, љубомората, страста, мајтапот. Комедија е со богата костимографија, автетнична сценографија и одличен избор на музика. Таа е за сите нас, без разлика каде сме и кога сме – вели режисерот Нацевски. Играат Дарко Карбески, Тони Дамчески, Марија Китаноска, Наталија Ристеска, Ивана Дамјаноска, Виктор Мирчески, Андреј Богатиноски, Димитар Темелкоски, Христијан Тасески, Марио Талимџиоски, Мартина Миткоска, Александар Димчески, Марио Стојаноски, Александар Пусоски, Милена Трајкоска, Исидор Јованоски, Мартин Милкоски, Теодора Трајческа и Кире Најдоски.
