Утревечер од 19 часот петто издание на манифестацијата “Поетско Маркукуле” кај Слонот под Марковите Кули. Петар Петрески, директор на Библиотеката, вели дека манифестацијата прераснала во мултимедијална и интернационална. Ќе учествуваат над педесетина уметници, поети, сликари, музичари од Македонија и од странство. Ќе се претстават уметници од помладата и постарата генерација, како и уметници, членови на ДЛУП – информира Петрески. Вечерта ќе биде промовиран и Зборникот “Поетско Маркукуле 2010”. Организатори на “Поетското Маркукуле” се Библиотеката “Борка Талески” и здружението”Пела” од Словенија.