Кошарка
По осум првенствени порази во серија, кошаркарскиот прволигаш Ултимејт баскет има можност да се извади во купот. Ждрепката го даде за противник едно место погорепласираниот, осмиот Куманово. Мечот дома е на 12 јануари, а реваншот во Куманово три дена подоцна. Таму за бодови загубивме со 16 разлика и редно е да го вратиме долгот. Ќе ја искористиме шансата. Убаво е да поминеме за самодоверба – велат во У. Баскет. Ако се мине Куманово, чека лидерот и шампион, Фени индустри. Желба е меч дома со најатрактивниот ривал. Немаме сала и двапати гостувавме во Кавадарци. Конечно да го доведеме моќниот Фени во Прилеп, поради публиката – истакнуваат од У. Баскет. Тренерот Панче Милевски првиот тренинг по Нова година го најави за 8 јануари.