Зоран Јовески е новиот В.Д. директор на ЈП за просторно и урбанистичко планирање. Тој доаѓа на местото на Илија Иваноски кој поднесе оставка.
Градоначалникот Борче Јовчески го направи изборот за Јовески, бидејки тој е доктор на економски науки. Зад него се позициите на финансов директор и раководител на Здравствениот дом и Болницата.
И две основни училишта добија нови директори. Ахил Јаков е новиот прв човек на ОУ “Климент Охридски” на местото на Зоран Сребреноски. Јаков е професор по физичко образование. Денис Најдоски е нов директор на музичкото училиште “Ордан Михајлоски – Оцка”. Тој е наследник на Славица Конеска Темелкоска. Најдоски е дипломиран пијанист.
