Градоначалникот Илија Јованоскси објави на својата ФБ страница дека добил позитивен резултат на тестот за Ковид по сомневањата за првичните симптоми. Тој е во домашна изолација, со лесни симптоми на вирусот.
-Од почетокот на пандемијата, како градоначалник и како шеф на Општинскиот кризен штаб, ги преземам и иницирам сите неопходни мерки за заштита на колективното здравје на граѓаните. Притоа, водејќи максимална грижа за заштита на личното здравје, здравјето на моите најблиски и на сите оние со кои сум во перманентна работна комуникација и интеракција. Тоа стана секојдневие во континуитет, пред, за време и после периодот додека волонтирав во инфективното одделение во болницата – напиша Јованоски.
Но, вирусот е непредвидлив и лесно пренослив, особено новиот ,,британски,, сој, кој, за жал, го има во нашиот град.
-Апелирам на максимално и строго почитување на мерките за заштита. Носете заштитни маски, одржувајте физичка дистанца, вршете честа дезинфекција на рацете и работните површини. Само на тој начин, со заеднички напори ќе го победиме ова зло и ќе излеземе посилни – заврши градоначалникот Јованоски.
