Кошаркарскиот клуб Марфил Спорт ја афирмира и развива кошарката благодарение на поддршката од Општината и бенефитот од инвестициите во новите спортски објекти.
– Имаме три победи и пет порази, но и доволно натпревари да се вратиме на врвот и да обезбедиме пласман во втора лига – вели Благоја Здравески, кошаркар во кошаркарскиот клуб Марфил Спорт.
Според тренерот Сашо Костоски направен е план за наредните години и кошарката како спорт во градов ќе се крене на повисоко ниво. Освен со изградба на нови спортски сали, градот ќе инвестира и во баскет терени. Ќе се изградат пет баскет игралишта во соработка со Агенцијата за млади и спорт во населбите: Бончејца, Точила, типски куќи, во населбата Под Кули и во близина на паркот на Могилата.
