Тројца владици ќе ја држат божествена литургија во црквата Свето Благовештение на 12 февруари кога православните христијани го одбележуваат празникот “Свети три Светители”. Овој ден е патрон празник на бакалскиот еснаф од 1954 година. И годинава ќе продолжи традицијата.
Бакалите ја посетија Општината и го поканија градоначалникот Марјан Ристески да присуствува на одбележувањето на патрониот празник. Овој еснаф е најголемо здружение во градов. Ристески на сите бакали им посака здравје, успех и среќа и понатаму да се собираат и да ја продолжуваат традицијата.
Години наназад, редовен гостин е г.г. Стефан. По црковното празнување на 12 февруари, за 19 февруари бакалите го закажаа ручекот во манастирот Света Петка во селото Лениште.
Лани, градоначалникот Ристески беше домаќин на празнувањето, а годинава е фирмата „Шопе комерц”.
