Нашиот уметник Атанас Атанасоски продолжува со меѓународната презентација на сопственото творештво. Изложба на дело од рециклирана хартија беше отворена во Абу Даби, Обединетите Арапски Емирати. Атанасоски вели дека презентацијата е плод на едномесечниот резидентен престој во оваа држава, а делото е интересно и несекојдневно.
-На конструкција од отпаден метал е моделирана каса со мелена, рециклирана хартија. Делото го направив при престојот во оваа ориентална и богата земја. Искуството е одлично. Освен контакти со колеги, ги почувствував добрите услови за уметничко изразување – вели Атанасоски, кој лани изложуваше орнаменти во Њјујорк, САД.