Турнир „Свети Никола“
Турнирот во мал фудбал „Свети Никола“ го привлекува вниманието на спортските љубители кои знаат дека за нив претстои уживање во деновите до 28 декември. Во Универзалната сала учествуваат 69 екипи во пионерска, ветеранска и сениорска конкуренција. Кај сениорите за наградите се борат 38 тима во осум групи. Првите два дена беа мошне ефикасни со постигнати 58 гола на 13 меча. Највисокиот триумф го забележа екипата на Црнилиште 2016 со резултат од 8-0 над Бакалески промет. Најефикасен беше ветеранскиот дуел ЈКП Пазари – Ветерани Прилеп 5-4.
Денеска ќе има седум, в сабота 15, а в недела 13 натпревари.
