Со турнир во баскет меѓу екипи од средните училишта со 90 учесници се одбележа Светскиот ден за борба против сидата – Први декември. Организатор на манифестацијата беше Младинската организација на СОУ “Ѓорче Петров”.
– Турнирот е со цел да ја подигне свеста кај младите за ХИВ вирусот и за опасностите кои произлегуваат од оваа болест – рече ученикот Виктор Николоски.
– Во нашето медицинско училиште се одржуваат предавања за СИДА на часовите по хигиена – кажа Андреј Ристески, советник на младинска организација СОУ Ѓорче Петров.
Баскет играа 17 во машка и 5 екипи во женска конкуренција. Победниците добија пехари од Советот на млади при општина Прилеп.
