„Трпеза“ е насловот на книгата раскази од прилепчанката Катерина Грозданова – Кети, претставена пред читателите преку музички настан со групата Чалгија саунд систем. Збирката содржи 21 расказ преку кои авторката порачува дека “Трпезата е уште едно име додадено за Љубов!”.
– Се доближувам до луѓето преку трпезата, а трпезата за нас е живот. Без храна ние не можеме да преживееме. Значи мора да се храниме. А, ако е трпезата живот, тогаш и љубовта е живот. Тогаш дајте ми трпеза да јадам и да се нахранам. Тоа беше појдовната точка од таа приказна. Повелете да се нахраниме, да ја зачуваме љубовта која добива ново име – трпеза – вели Грозданова.
Грозданова е потпишана и на книгата “На попатнина кон Дома…”.
