На петнаесетина љубители на природата викендот ќе им биде пропаднат, ако не се гушнат со природата. За да се доживее празник на очите го одбраа водопадот од стотина метри на планината Кораб. Водата се урива од процеп на височина од 2.050 на карпи на 1.950 метри. Да се отиде до него нужен е мерак и физичка подготвеност, затоа што патеката е долга 15 километри во една насока. Но, зад маката се крие задоволството.