Крикнала со молба до Бога. Се нарекува „Свето Преображение“, храмот, кој на истоимениот ден, на 18 август го благословува плодот -грозјето. Петкуполната црква, со икони од 19 век, била изградена под влијание на грчката пропаганда, со помош на еснафите на место подарено од свештеничка фамилија.
Фотографијава е сликана од другата страна на реката. Тука животарел парк со крошнести дрвја. Имало и мост на раширеното корито. И една голема топола, под која вредни раце на ковач, “тргаа” со чекан налчиња и потковици за метални чевли за добитокот. Подоцна местото се огради со бетонски ѕид. Стана детско катче за одмор на стари и деца со реквизити, па пазар на дребулии и текстил, а сега трговски центар со катна гаража.