Донација на библиотеката за болницата
За месецот на книгата, библиотеката донираше книги за пациентите во невропсихијатриското одделение на болницата. Директорот Петар Петрески изјави дека симболичниот чин е почеток на соработката меѓу двете институции. Тој акцентира дека има место за проширување на односите со нови содржини во интерес на пациентите.
Д-р Јохан Ѓорѓиоски се заблагодари за подарокот, потенцирајќи дека книгата е моќен медиум и може да одигра позитивна улога во побрзото закрепнување на пациентите додека престојуваат во болницата.
Договорена е нова донација за празникот Св. Никола.