Ансамблот на театарот “Војдан Чернодрински” со претставата “Глембаеви” во режија на Бранко Брезовец, ќе настапи на 24 ноември на 46 издание на МОТ, што се одржува од 18 ноември до 7 декември, на неколку локации во Скопје.
Варијациите на Крлежа, говори за пропаѓањето на една голема капиталистичка фамилија, за тоа колку тешко настанала големината на таа фамилија, како со лукавство се одржувала и како перверзно пропаднала. Во време на денешната тајкунизација, која владее со сите транзициски простори од Балтикот до Солун, темата е клучна за храбриот влез во вибрирањето на театарската современост и непобитна актуелност.
Актерот Исидор Јованоски доби награда за млад актер во оваа претстава на МТФ “Војдан Чернодрински”.
