Тунелот е составен од две цевки со должина од 139 метри односно 159 метри
Започна дупчењето на тунелот на експресниот пат Градско – Прилеп, а изградбата се очекува да биде завршена за една година. Тунелот е составен од две цевки, во правец кон Прилеп со должина од 139 метри и кон Градско со должина од 159 метри.
Министерот за транспорт и врски, Благој Бочварски, директорот на ЈП за државни патишта, Ејуп Рустеми, и заменик-директорот на претпријатието, Благојче Трпевски, денеска извршија увид во градежните работи на дупчењето на тунелот кон Прилеп, на делницата Дреново – Фаришка Клисура.
Изградбата тунелот се очекува да биде завршена за една година.
Тунелот на експресниот пат Градско – Прилеп се очекува да биде завршен за една година
„Сакам да ги информирам сите граѓани од овој регион дека експресниот пат од Градско до Прилеп и на двете делници се гради со полна пареа. Нема повеќе калкулации.
Денеска, со директорот на ЈП за државни патишта се наоѓаме на увид на дупчењето на тунелот кон Прилеп, еден од најкаректеристичните објекти на оваа траса.
Овде ќе се изградат две тунелски ленти, едната кон Прилеп со должина од 139 метри и другата кон Градско со должина од 159 метри.
Изведувачот е комплетно мобилизиран и на располагање ги има сите потребни ресурси од кадар, работна сила, механизација со опрема и материјали за изведба на тунелите согласно динамиката на изградба“, изјави Бочварски.
Тој исто така потенцираше дека во Министерството за транспорт и врски заклучно со месец октомври има одлична реализација на капиталните инвестиции, што дава оптимизам дека до крајот на годината ќе има висок процент на реализација на капиталните проекти.
Директорот на ЈП за државни патишта, Ејуп Рустеми, истакна дека интензивно се работи на експресниот пат Градско – Дреново, кој е поделен во три делници.
