Вода се пие, дури и кога не сме жедни, бидејќи жедта кај здравите луѓе сигнализира дека нема доволно вода. Здрав организам мокри жолтеникава боја, а темната боја на урината е знак дека телото ја спасува водата и дека треба да се зголеми внесот на вода. Количината за физиолошка работа на организмот зависи од полот, возраста, здравјето, температурата и физичката активност. Мажите имаат помалку вода во телото, отколку жените. Добро е да внесуваат околу три литри дневно.
Околу 80 проценти од мозокот е вода. Ги пренесува нервните импулси. Губењето само на два проценти од водата води кон намалена концентрација и бавно размислување. Прекумерното внесување доведува до интоксикација со вода, што води до анксиозност, повраќање, конфузија и кома.
Доволната количина ја одржува виталноста на кожата, односно нејзиниот степен на хидратација и еластичност и го забавува нејзиното стареење.
Крвните садови се еластични и се прилагодуваат на количината на течност, проширување и собирање на волуменот. Намалувањето на течност во крвотокот доведува до пад на притисокот на краевите на капиларна мрежа. Да не се оштети ткивото поради недостаток на крв, кардиоваскуларниот систем го зголемува притисокот. Со помалку вода расте притисокот.
Водата ги јакне забите и коските, бидејќи таа носи одредени количини на флуор и калциум, одговорни за цврстината. Таа е составен дел на синовијалната течност, важна за мобилноста на зглобовите.
Водата е важна за срцето. Недоволното количество го намалува обемот на циркулирање. Вишокот на течност во телото може да биде пречка за нормална функција на срцето. Срцевите болни го ограничуваат внесот на течности.
Водата помага во варењето на храната. Таа е чистач на клетките од штетни материи. Земањето вода за време на оброкот треба да се сведе на минимум. Не се пие ладна вода, бидејќи се нарушува процесот на варење.
Бубрезите се главните елиминатори на токсините, претходно третирани од црниот дроб. Тие ја одржуваат рамнотежата на водата во телото и постојаниот состав на телесните течности. Ако внесот е намален, бубрезите штедат вода и урината станува темно кафеава. Ова доведува до дехидрација или појава на гадење, повраќање, мускулни грчеви и нарушувања во спроведувањето на нервните импулси.
