Филмско бегство се случило во прилепскиот затвор. Гостиварчанец на возраст од 36 годишен, осуден на 20 години затвор поради тешки кражби, побегнал додека на посета му биле сопругата и мајка му. Кога завршила посетата, затворските службеници забележале дека во просторијата за средби се наоѓаат само двете жени, а го нема затвореникот. Веднаш е започната потрага, но безуспешно.
Неофицијално, засега нема индиции дека во бегството се вмешани и лица од затворот или надворешни лица, но веднаш била на направена и внатрешна истрага. Известени биле околните полициски станици, Управата за извршување на санкции и Јавното обвинителство.
Покрај високите затворски ѕидови, сомнително е тоа што бегството не е забележано на безбедносните камери ниту од затворската полиција и не е јасно како затвореникот успеал да излези надвор.
Сопругата и мајката на затвореникот се приведени во полициската станица на информативен разговор.
МВР превзеде мерки за пронаоѓање на бегалецот.
Исто така според првичните и неофицијални информации согласно законските прописи и мерки можно било превземање на соодветни активности за дисциплински мерки против дежурните затворски полицајци кои биле задолжени за посетата на затвореникот.