Вишокот килограми паќа со диети. Но тешко се постигнува резултат без волја. Затоа некои луѓе се разочарувааат по неколку дена. Постои диета од 1200 кило калории дневно и за еден месец скусува 20 килограми без гладување.
Луѓето се различни и ретко подготвени да вложуваат во себе, а потоа да се видат резултатите. Диетата позитивно влијае на слабеењето. Затоа се прилагодува начинот на исхрана, според потребите. Така и поединечните резултати ќе бидат видливи за краток период.
Со диетата треба да се трошат околу 1200 калории дневно и нешто помалку на шестиот ден. На седмиот ден можно е мало опуштање со повеќе калории.
Во менито се растителни диететски влакна кои овозможуваат ситост подолго време. Вака не се гладува и не се фрла ниту една намирница. Со умерена физичка активност, се доаѓа до целта. Така некоја жена од 105 кг. слегла на 85, а во наредните месеци продолжило сметнувањето на килограмите.
Храната содржи корисни хранливи материи кои даваат енергија. Основни групи на храна се протеини, масти, јаглехидрати, витамини и минерали. Најважна е водата. Протеините се ,,градежни блокови,, кои овозможуваат раст и развој. Јаглехидратите и мастите го снабдуваат организмот со енергија за секојдневна физичка активност. Витамините и минералите, заедно со протеините, овозможуваат важни процеси во телото кои го подобруваат нашиот имун систем и помагаат во одбрана против различните вируси и инфекции.
Потребите се задоволуваат со комбинација на разновиднни материи потребни за организмот во зависност од возраста, полот, степенот на физичка активност и здравствената состојба. Изборот е индивидуален, од организам до организам. Под влијание е на културните, социолошките, економските и психолошките фактори.
Калоријата претставува количина на енергија потребна за загревање на 1 грам вода за 1 степен. Бидејќи еден грам е прилично мал – пресметката обично се прави на количина од 1000 грама, а потоа се користи илјадапати поголема единица на калории наречена килокалорија. Бројот на калории во храната е број на енергетски единици што ги користи телото да функционира – физичка активност, правилна работа на срцето, зацврстување на коските, зараснување на раните или градење мускулна маса, метаболизам…
Само три компоненти во храната содржат калории. Тоа се протеините и јаглехидратите (4 калории на грам), маснотии (9 калории на грам). Витамините, минералите, фитохемикалиите, диететските влакна и водата не содржат калории.
Дебелината се јавува кога внесот на калории е поголем од енергетските потреби за подолг временски период без соодветно трошење енергија. Вишокот калории се складира како резерви на енергија и се троши во случај на зголемени потреби на организмот или ако телото гладува. Дебелината нема да се појави ако постои рамнотежа меѓу внесувањето храна и потрошувачката на енергија. Дебелината или вишокот на телесна тежина е претежно маснотија, а во помала мера вода и мускули.
Се слабе ако телото влезе во дефицит, т.е. да не добива доволно енергија за функционирање и да му е потребно користење на депонираните резерви како масни наслаги. Телото ги претвора во енергија и го надоместува недостигот на храна. Така се топи маснотијата и се губат килограмите. Потребно е време да се потрошат мрсните наслаги. Затоа е нужна трпеливост и упорност.
Диета од 1200 кило калории е план за исхрана:
1 ден. појадок: 300 мл. млеко/јогурт/кефир со две лажици овесна каша (230 ккал) и кафе без шеќер (55 кцал). Првата закуска е едно темно чоколадо 70 % какао (48 кцал). Ручек: 300 гр. жолта боранија, 150 гр. ситно сечкани коцки од пилешки гради се варат во солена вода, па се процедуваат. Се мешаат со половина чешње лук и лажица кисела павлака (280 кцал). Ужина: 300 гр. диња или некое друго нискокалорично овошје (85 кцал). Вечера: 2 варени јајца и салата од 200 гр. домати, 100 гр краставици и 50 гр кромид (210 кцал).
Вкупно дневно 960 кцал, што остава простор уште за 240 ккал. Преостанатите калории може да се дополнат при екстремен глад. За неколку дена организмот се навикнува и нема да биде потребно дополнување.
Ден 2. Ручек: 200 г варено пилешко бело месо и 300 г тиквички во солена вода, Се сечкаат на коцки, нароснисо копар и зачинети со малку оцет или сок од лимон и црн пипер (300 кцал). Ужина: едно јаболко (80 кцал), кафе (55 кцал). Вечера: две јајца, две лажици кисела павлака и 300 г салата од домати (220 кцал). Вкупнио внес на ден: со појадокот и првата закуска, која е иста секој ден е 1020 кцал, што значи дека се дозволени уште 180 кцал.
Ден 3. Ручек: 200 г шампињони, 200 г зелка и 100 г пилешки гради исечени на коцки, динстани на тивок оган со додавање на вода. Испарува водата и состојките омекнуваат. Се додава киселата павлака, лажичка сенф, кари, бибер, ѓумбир и малку лута пиперка по желба (230 кцал). Ужина: 2 праски или друго нискокалорично овошје (60 кцал) со кафе (55 кцал). Вечера: конзерва туна со 200 г домати (300 кцал). Вкупен дневен внес 985 кцал, дозволени се уште 215 кцал.
Ден 4. Ручек: 300 гр варен карфиол во солена вода, се блендира со лажица кисела павлака. Се зачинува со малку сол и црн пипер, а потоа вари или пече пилешки копан 150-200 гр без масло, со малку вода. Копанот се јаде со пирето од карфиол (280 кцал). Ужина: 300 г диња (85 кцал) и кафе (55кцал). Вечера: Динстани 300 г црвени пиперки со мала лажица маргарин со малку вода. На омекнатите пиперки се додаваат 2 матени јајца. Плус 100 г домати или краставици (230 кцал). Вкупно дневно: 990 кцал, дозволени се уште 210 кцал.
Со диетата се препорачува и умерена физичка активност, пешачење, повремено пливање или возење велосипед. Оброците да се земаат во приближно исто време, а вечерата најмалку 2 часа пред спиење.