Витаминка
Витаминка обезбеди пристап до едукативна платформа за помош при онлајн учење за децата на своите вработени. Станува збор за лесен пристап на децата на вработените за следење на онлајн наставата преку премиум пакети (претплата) за пристап до најнапредната едукативна платформа во земјава. Учениците кои следат настава на далечина, добиваат дополнително образование и можност за унапредување на стекнатите знаење како замена за приватен час со тутор.
Со кризата со корона вирусот менаџментот е фокусиран на заштита на вработените и на нивните семејства. Покрај преземените чекори, посебно во овој период, согледувањето со какви предизвици се соочуваат родителите и децата при спроведување и одржување на континуиран образовен процес, платформата е соодветна помош и дополнување на образованието.
Платформата нуди квалитетно дополнително образование за учениците во основните и средните училишта. Материјата е подготвена од селектирани професори од универзитети, како и од најдобрите училишта во Македонија и претставува дополнување на официјалната програма. Учениците имаат неограничен пристап до лекции, можност за решавање задачи, учење и увид во аналитика – колку знаат и колку учат. Ова е корисна алатка за семејствата каде родителите се вработени.
Грижата за вработените и за нивните семејства Витаминка ја искажува континуирано во текот на здравствената криза.
