Театарот „Чин 4 – Сцена 5“
Се интензивираат подготовките на премиерата на претстава ,,Да не е галеб?,, на театарот ,,Чин 4 – Сцена 5,, според текстовите ,,Галеб,, на Чехов и ,,Глупа заебана птица,, на Арон Поснер. Контактот со публиката е планиран за 6 октомври на камерната сцена при НУЦК ,,Марко Цепенков,, со почитување на протоколите за заштита. Режисер е Саша Нацевски.
Претставата е адаптација на големиот руски класик, претставува и ,,разговор,, со Чехов, еден вид на писмо кон него, за тоа како неговиот ,,Галеб,, лета и во 21 век. Се поставуваат прашања за љубовта, животот, театарот, истовремено се куди сé што нема никакви грижи за светот.
Играат, Илија Волчески, Јасмина Мицовска Станкоска, Димитар Ѓорѓиевски, Михајло Миленковски, младите прилепчани Наталија Ристеска и Дарко Карбески, како и гостинката од Пробиштип, Стефанија Митовска.
