Со задолжително посебни заштитни мерки препорачани од комисијата за заразни болести во време дозволено за комуницирање, Здружението на пензионерите презеде корисен чекор за членството.
Според програмираните активности на Комисијата за здравство и социјала се распредели првиот дел од еднократната помош за годинава. Од 65 барања за бањско лекување, на 54 им додели помош од по 20, 30 и 50 отсто од средствата во зависност од висината на пензиските примања. Девет барања се одбиени, оти еднаш искористиле ваква помош.
Комисијата разгледа и 56 барања за еднократна парична помош и според правилникот во зависност од тежината на болеста, материјалната состојба на семејството, од бројот на членовите и болничките трошоцисе доделени 70 или 100 отсто, односно од 1000 до 10 000 денари. Точно 23 членови добија од три до пет илјади денари или најмногу десет илјади денари.
– Ова е втора наша финансиска интервенција за помош на членството. Пред Велигден доделивме ваучери од по илјада денари за колонијални производи и средства за хигиена на 300 членови. Планирано е да поделиме повеќе од два милиона денари. И во наредните месеци ќе доделуваме еднократна парична помош – вели претседателот на Здружението на пензионерите, Славко Трајкоски.
