Марковите Кули се совпаѓаат со цврстите градби на високите куќи кон Варош. Градбите им се интересни со мали, издадени продолженија на лицето како светларници, и со дрвена дограма. Се издолжила поновата зграда на “Тутунскиот комбинат”, каде рачно се обработувал тутунот.
Таму, некаде, како тепсија плодна рамнина, на која денес “никнале” куќи до стените на Марковите Кули.
Во близина на сегашната “бензиска” кај “Уредот”, извишено минаре на џамијата. Тука е спортската сала на “Партизан” или Соколана. Уникатен и примамлив е екстериерот. Таму некогаш ечеле свирки, се “тресел” подот од ѕенѕањето и цврстиот “топот” на младите.
