Сношти, вечерва и утревечер
Со три фестивалски вечери Џез фестивалот Прилеп слави 15 години. Ритамот на џезот почна синоќа и ќе продолжи вечерва и утревечер со автентична програма за љубителите на квалитетна музика. Ќе се проследат истакнати домашни музички имиња со различни џез изрази кои ќе донесат свежа енергија и музика без граници.
Стартот во киното Мис Стон тргна со Глигор Кондовски/Дориан Јовановиќ и СЕТХСТАТ. Вечерва ќе се претстават “Џез за чудаци”, а утревечер се настапите на Пијан Славеј и PEACH VICE.
Точно 15 години Прилеп џез викенд гради препознатливо место на македонската културна и на музичката мапа. Се поддржуваат оригиналната музичка мисла, нови звучни истражувања и средба меѓу музичарите и публиката. Годинешното издание е покана за вечери полни со ритам, емоција, импровизација и слобода.
