На трети септември од 19 ч. во ликовниот салон на ЦК „Марко Цепенков” ќе се одржи концерт на класична музика „Гласилки” на кој на виолина ќе се претстават Софија Никоска Маџароска и Елена Ѓоргиевска. На програмата се дела од Бах, Марјан Јанкоски, Глиер, Хендл, Халворсен…
Виолинистката Софија Никоска Маџароска е добитник на бројни награди и се занимава со педагошката дејност како професор на УГД – Музичка Академија во Штип.
Елена Ѓоргиевска магистерските студии по виолина ги завршува во Штип во класата на проф. м-р Софија Никоска Маџароска. Член е на музичкиот состав „Портал”. Работи како наставник по музика во Велес.
