Како дел од проектот пошумување на споменик на природата, за денот на пролетта, локалните власти организираа пошумување на дел од локалитетот Маркови Кули. Стотина волонтери со поддршка на Комуналец и Македонски шуми засадија 6 000 садници на даб.
– Садниците се избрани според прописите од Институтот за старословенска култура, кои се задолжени за одржување на изгледот на овој споменик на природата и она што значи заштитено културно наследство. Овие акции треба да бидат почести, а не само за денот на природата – вели градначалникот Дејан Проданоски.
Како дел од проектот, Прилеп доби и еден трактор, 25 дупчалки за садење и 100-тина парчиња друг алат.
